Финалда да сынатмады Гөлнара

Әле шушы көннәрдә генә “Автоледи-2020” район бәйгесендә җиңү яулаган Арча кызы Гөлнара Фәйзрахманованың республика бәйгесенең зона этабында призлы урынны алуы турында хәбәр иткән идек. Шушы көннәрдә республика бәйгесенең финалы булды. Анда да якташыбыз Гөлнара Фәйзрахманова автомобиль йөртү буенча осталыгын сынады.

Быел ярышта республика район һәм шәһәрләреннән барлыгы 56 хатын-кыз катнашкан. Финалда конкурсантлар өч этапта ярышканнар: юл хәрәкәте кагыйдәләре буенча имтихан биргәннәр, аннан җиңел машина белән идарә итү күңекмәләрен күрсәткәннәр. Өченче этапта социаль реклама баннерлары һәм видеороликлары бәйгесе булган. Безнең Гөлнара өч этапны да уңышлы үткән һәм сигезенче урынны яулаган. Республика бәйгесендә беренче унлыкка керү бик зур күрсәткеч. Котлыйбыз, Гөлнара. Юлларда исән-имин йөрергә язсын.