Арск-Информ
  • Рус Тат
  • Фәнил Гарәфиев истәлегенә хоккей турниры оештырылды

    14 февраль көнне Арча-Арена боз сараенда кызу ярыш барды

    14 февраль көнне Арча-Арена боз сараенда кызу ярыш барды.

    Районның шәхси эшмәкәре, спортчы Фәнил Гарәфиев истәлегенә багышланган хоккей ярышларында барлыгы 6 команда катнашты. Матур традициягә әйләнеп киткән быелгы ярышта да командалар матур уен күрсәтте.

    Турнирны Фәнил Гарәфиевның улы Фәнис Гарәфиев та рәхмәт сүзләре белән башлады. "Менә инде 10 ел узса да, һәр ел саен дулкынландыра, күңелгә үтеп керә. Быелгы мәҗлес тә әтинең якты истәлеген тагын бер кат искә төшереп, дога булып барып җитсә иде. " - диде ул. Арча район башлыгы Илшат Нуриев Фәнил Гарәфиевка булган соклану һәм сагыну сүзләрен әйтте. Һәр команданы аерым сәламләп, аларны күрергә шат булуын белдерде һәм рәхмәт сүзләрен җиткерде. Якташыбыз Илназ БАХ үзе иҗат иткән җырны башкарып, катнашучы һәм җанатарларның күңеленә үтеп керде.

    Реклама

    Арча районныннан ике команда (өлкәннәр һәм яшьләр), Балтач, Кукмара, Саба һәм Морки районннарыннан берәр команда көч сынашты. 

    Һәр командада да көчле уенчылар, үз районнарын якларлык хоккеейчылар тупланган. Тик ярыш булгач, җиңүче һәм җиңелүче булмый калмый. Шулай итеп, 

    1 урынны - Кукмара командасы, 2 урынны - Арча ветераннары һәм 3 урынны Балтач командасы яулады. Афәрин, егетләр!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: