Арск-Информ
  • Рус Тат
  • Г.Камал театры "Әле..." дигән яңа проектын башлап җибәрде

    Проектның беренче кунагы - Минтимер Шәймиев.

    Автор Рузилә Мөхәммәтова.

    (Казан, 5 сентябрь, «Татар-информ»). Татарстанның Беренче Президенты, ТР Дәүләт Киңәшчесе Минтимер Шәймиев ни өчен хәзер театрга йөрмәвенең сәбәбен аңлатты. Бу хакта ул Камал театрының махсус проекты булган «Әле…» тапшыруында әйтте.

    Реклама

    «Моның сәбәбе бар. Мин Сәкинә апагыздан башка беркая йөрми идем. Аның гомере мине көтеп узды», — диде Минтимер Шәймиев. Ул үзләренең Мөслимдә һәм Минзәләдә яшәгән вакытларын искә алды. Ул вакытларны Сәкинә ханымның рәхәт тормыш дип санавын искәртте.

    «Без 57 ел бергә гомер иттек. Ничек кенә арып кайтсак та театрга килә идек. Үзем генә театрга барып утырырга аяк тартмый. Театрга килмәвемнең башка сәбәбе юк», — диде ул. Минтимер Шәймиев депутат буларак яки җитәкче булганда Мәскәүгә командировкага баргач та Малый театрга спектакльләргә йөргән чакларын искә алды. Театрны җан азыгы дип атады.

    Камал  театры «Әле…» дип аталган яңа проектын башлап җибәрде. Проектның максаты — татар мәдәниятен һам театрын популярлаштыру. Камал театры студиясе кунаклары Татарстанда һәм Татарстаннан читтә татар сәнгате үсешенә зур өлеш керткән шәхесләр булачак. Проектның беренче кунагы — Минтимер Шәймиев. Проектның алып баручысы — Татарстанның халык артисты Искәндәр Хәйруллин Тулырак: https://tatar-inform.tatar/news/culture/05-09-2020/mintimer-sh-ymiev-h-zer-ni-chen-tatar-teatryna-y-ri-almavy-s-b-ben-a-latty-5768982

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: