Гөлназ Асаевага операция ясаячаклар

Ни булган?

21 октябрьдә көндез популяр җырчы Гөлназ Асаева Инстаграмда сәламәтлек белән бәйле проблемалары турында сөйләде. Тиздән аның күзләренә операция ясаячаклар.

- Бер көн уйлаштык та табибка күзләремне күрсәтергә киттек. Сезнең күбегез минем начар күрүемне белә. Руль артында мин, гомумән, күзлексез йөри алмыйм, уңайсыз. Шуңа күрә Вилдан мине бүген офтальмологка алып бара, - дип сөйләде Асаева.

- Аллаһ кушса, барысы да яхшы булыр, ләкин мин бик куркам.

Гөлназны табиблар операциягә язган, әмма яшь җырчы кайчанга икәнлеген ачыкламады, дип яза Кызыл таң.

Борчылма, барысы да яхшы булыр, Гөлназ!

Фото: instagram.com