Җиңү яулаган "Арча балалары" бүләкләрен алды

Узган елның июль аенда башланган "Мин Арча баласы" проекты җиңүчеләре бүләкләнде. Арча укучылар сарае оештырып, берничә номинациядә барган бу бәйгенең беренче этабына бүген нокта куелды. 

Бүләкләү чарасына Арча муниципаль районы мәгариф идарәсе җитәкчесенең тәрбия эшләре буенча урынбасары Ильина Лия Юрьевна чакырылган иде. "Әлеге бәйгене кызыксынып күзәтеп бардым. Минем кызым да катнашты. Укучыларның туган як тарихы белән кызыксынып, югары дәрәҗәдәге эшләр тәкъдим итүләре белән горурланам,-" дип белдерде Лия Ильина.

Чыннан да эшләрнең һәркайсы мактауга һәм соклануга лаек. Арча укучылар сараеның директор урынбасары Айгөл Галәветдинова әйтүенчә, проект әле дәвам итәчәк. Алдагы этабы да озак көттәрмес дип ышанып калабыз.