Яңа Кенәр мәктәбендә экологик чара узды

Экологик чараның кунаклары Татарстан Республикасының Биологик ресурслар буенча дәүләт комитеты "Ашыт" дәүләт табигать тыюлыгы белгечләре Гөлнара Абдрахманова Гөлнара, Рәшит Әхмәтҗанов һәм Татарстан Республикасы экология  Һәм табигый ресурслар министрлыгының Төньяк территориаль идарәсе белгече Алия Шаймуллина иде. 

Укучылар чыгышыннан тыш, Г. Бәшировның "Җидегән чишмә" әсәреннән өзекләр белән һәм "Саклап калыйк җирне мәңгегә" дип исемләнгән китап күргәзмәсе дә оештырылган иде. Аларны авыл китапханәсе хезмәткәрләре (Лилия Фәйзрахманова, Гөлшат Нәбиева ) тәкъдим итте.

"Без табигать балалары" бәйрәмен оештыручылар - башлангыч сыйныфлар укытучысы Рания Сафина, тәрбия эшләре буенча директор урынбасары һәм педагог-оештыручы Чулпан Хайруллина. "Әлеге тәрбияви чара укучыларда табигатькә карата мәхәббәт уяту һәм әйләнә-тирәбезне сакларга өндәү максатыннан уздырылды", - диде алар.