Игенчеләр династиясе дәвам итә

 Мондый бүләкләрне һәр хуҗалыкның алдынгы комбайнчылары алачак. Аларның һәркайсы мактауга лаек
“Курса МТСы” ширкәте комбайнчысы Радик Хәбибуллин турындахуҗалык җитәкчесе Рәүф Гыйләҗетдинов җылы сүзләр генә әйтте. Игенчеләр династиясенең бер буыны да икән әле. Улы Рәсим – хуҗалыкның баш агрономы, яшь белгеч. Шушы шимбәдә туйлары да буласы. Яшь парга бәхетле тормыш телик.

Радикның әтисе Альфред Хәбибуллин озак еллар бригадир булып эшләде. Колхоз басуларын бригадир таягы белән күп иңләде. Хатыны Сөмбелә легендар шәхес, “Курса” колхозының баш агрономы Исмәгыйль абый Латыйповның кызы. Исмәгыйль абый турында ул басулар буйлап җәяү йөри, дип сөйлиләр иде. Радик Хабибуллин аның оныгы, Рәсим – оныкчыгы була инде. 

10 августка район хуҗалыкларында игеннәр 44,4 процент мәйданда җыйнап алынды. Иң өлгерләр “Курса МТСЫ” ширкәтендә – 71, “Казанка” ширкәтендә – 68, “Ак барс” агрокомплексы” ширкәтендә 60 процент. “Игенче”, “Заря” ширкәтләрендә игеннәрнең яртысыннан артыгы җыйнап алынды.

Район буенча бер гектардан уртача уңыш – 26 центнердан артык. “Казанка”да – 37,6, “Ак барс” агрокомплексы” ширкәтендә 35 центнер. “Аю”, “Ашытбаш”, “Кишет”, “Ашыт”та 20 центнердан түбән. 
9 августта басуларда 138 комбайнның 127се эшләде. “Ак барс” агрокомплексы”нда – 11, “Игенче”дә 10 комбайн эшли. Бер көндә бер комбайн уртача 429 центнер ашлык суктырды. “Яңарыш”, “Казанка”да 1 мең центнердан артык туры килә. 

“Яңарыш”, “Ватан”, “Заря”, “Ашытбаш”, “Ак барс” агрокомплексы”, “Тукай”, “Игенче”, “Курса МТСы” ширкәтләрендә туфракны көзге эшкәртүгә зур игътибар бирәләр. 
“Заря”, “Ак барс” агрокомплексы” ширкәтләре көзге культуралар чәчә башлады. 
“Кырлай”, “Игенче” ширкәтләрендә 25-21 гектарда бәрәңге алынды. Уртача уңыш – 250-240 центнер.
Район буенча бер шартлы терлеккә 16,6 центнер азык берәмлеге әзерләнде. Иң аз азык “Кишет”тә – 4,2 центнер.