Ике машина бәрелешкән, бер кеше үлгән

Бүген Татарстанның Мөслим районында  юл-транспорт һәлакәтендә бер ир-ат үлде, дип хәбәр итә республика Дәүләт автоинспекциясе.

Якынча ачыкланганча, «Нива» шоферы каршы як полосага чыккан. Анда ул «Лада» машинасы белән кара-каршы бәрелешкән. Көчле бәрелүдән машиналар як-якка киткән.

«Нива» йөртүчесе шунда ук үлгән. «Лада» машинасының йөртүчесе имгәнгән, аны хастаханәгә озатканнар.

Юл-транспорт һәлакәте сәбәпләре ачыклана.

Бу хакта тулырак: https://tatar-inform.tatar/news/tatarstan-yulynda-niva-sofery-inel-masina-belan-kapma-karsy-bareleskannan-son-ulgan-5863371