Ильвира Латыйпова: "Үз эшемне яратып башкарам"

Анда Арча, Балтач, Саба, Биектау, Кукмара, Теләче, Питрәч районнарыннан килгән укытучы-психологлар катнашты.

Бәйге барышында катнашучылар һөнәри эшчәнлекләре турында сөйләде, үзләре белән таныштырды, осталык дәресләре күрсәтте.

Бәйгедә Арча районы данын Арча педагогика көллияте педагог-психологы Ильвира Латыйпова яклады һәм икенче урынга лаек булды. Бүген ул республика этабына әзерләнә.

Ильвира Латыйпованың хезмәт юлы мәгариф өлкәсе белән бәйле булса да, укытучы-психолог булып ул әле бишенче елын гына эшли. Бәйгедә көчле, һөнәри яктан әзерлекле көндәшләр арасында җиңү яулау җиңелләрдән булмый, әлбәттә. Башкарган эшенә мәхәббәте, студентларына хөрмәте ярдәм итә аңа. “Бәйгегә көчле көндәшләр җыеласын алдан ук белдем, – ди Ильвира Латыйпова. – Барысы да бик әйбәт әзерләнгән иделәр. Әлеге бәйге миңа алдагы эшчәнлегемдә нинди өлкәләргә күбрәк игътибар бирергә кирәклеген күрсәтте, тәҗрибә тупларга мөмкинлек бирде. Мин эшемне яратып башкарам. Психолог булу – җиңел түгел, ләкин кызыклы һөнәр, дияр идем. Шунысы да мөһим, бүген яшьләр өчен кирәк вакытта киңәш сорау мөмкинлеге бар”.