Арск-Информ
  • Рус Тат
  • Имбирне тәрәзә төбендә һәм бакчада үстерү сере

    Имбирне бакчаның көньяк өлешенә утыртырга кирәк.

    Имбирне тәрәзә төбендә дә, бакчадагы түтәлдә дә үстереп була икән. Бу турыда «Челнинские известия» хәбәр итте.

    Имбирне тамырын бүлгәләү ысулы белән генә үстерәләр. Тамырны кибеттә сатып алганда яшьрәген сайлагыз, кабыгы шома булсын. Анда бөреләре күренеп торганын алыгыз. Имбир бөреләре бәрәңге күзе кебек була.

    Аны гыйнварда үстерә башлыйлар. Башта сыек кына марганцовка эремәсендә 2-3 сәгать тотыгыз. Аннары һәр өлештә ике бөре калырлык итеп бүлегез. Бүлбеләрне агач тартмаларда дренаж һәм грунт салып үстерәләр.

    Апрель-май аенда имбирне ачык грунтка чыгарып утырталар. Һава температурасы 25 градустан төшми торган вакытны сайлагыз. Үсемлек бакчаның көньяк өлешендә үсәргә тиеш. Ләкин аны туры кояш нурларыннан саклагыз. Өстенә түбә кебек әйбер куйсаң да ярый.

    Имбир көпшәк туфракта яхшы үсә. Аны утырта торган тишеккә дренаж өчен гравий, аннары ком, шуннан соң гына черемәле туфрак салырга кирәк.

    Реклама

    Үсентенең тамырларын 10 см тирәнлеккә утыртыгыз, бөреләр өскә таба карап торсын. Беренче 7-10 көндә даими су сибеп торыгыз. 10-14 көннән имбир яфрак чыгарыр, аннары су сибүне киметегез.

    Кичке якта үсемлеккә су сибегез, көндез сипсәң үсемлек пешәргә мөмкин.

    Имбирне өйдә тәрәзә төбендә дә нәкъ шул тәртиптә үстереп була.

    Уңышны көзнең соңгы айларында алалар. Аны җыяр алдыннан 5-7 көн су сипмиләр. Казып алынган тамырларның ян тамырчаларын өзеп алырга, аларны 2-3 көн буена җылы, җилләтелгән урында тотарга кушыла. Кипшегән тамырларны 4 градус температуралы урында сакларга кирәк, диелә хәбәрдә. 

    https://intertat.tatar/news/questions_answers/10-07-2020/imbirne-t-r-z-t-bend-m-bakchada-ster-sere-5755020

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: