Җиңүче 23 февральдә ачыкланачак

Ярышларда 8 команда катнашты: “Хәсәншәех”, “Тигры”, “Пөшәңгәр”, “Торнадо”, “Субаш Аты”, “Яңа Кенәр”, “Арча”, “Северный”. Уеннар түгәрәк системасы буенча узды.    

“Яңа Кенәр” белән “Субаш Аты” уены аеруча киеренке барды. Өч период барышында командалар берәр алка белән алышындылар. Шулай итеп уен 1:1 исәбе белән тәмамланды. 5 минут овертайм да исәпне үзгәртмәде. Җиңүчене бары тик буллит буенча гына билгеләргә туры килде. 

Анда “Субаш Аты” командасына бәхет елмайды. Нәтиҗәдә, ул төркемдә 1нче урынны “Субаш Аты”, 2нче урынны “Яңа Кенәр” алды, икенче төркемдә “Хәсәншәех”  – 1нче, “Пөшәңгәр” 2нче урында калды. 

23 февральдә сезне район башлыгы призына хоккей турнирының финал уеннарында көтеп калабыз. 
Анда башта “Субаш Аты” – “Пөшәңгәр”, “Хәсәншәех” – “Яңа Кенәр” командалары очрашачак. Аннан соң шул уеннарда җиңелгән командалар үзара 3нче урын өчен уйнаячак, ә җиңүчеләр быелгы кубок өчен көрәшәчәк.