Исерек әбисе оныгын үтергән

автор, 15 апрель 2020 - 19:12

1991

Уфада 14 апрельдә Ш. Руставели урамындагы йорт фатирында гаилә конфликты кеше үтерү белән тәмамлана.

«Башинформ» агентлыгы чыганагыннан мәгълүм булганча, пенсионер ханым олы кызы белән бергә табын кора. Аларның исерек кыланышлары 20 яшьлек оныгына ошамый. Ул әнисе һәм әбисе белән әрләшә башлый.

Шулвакыт өлкән яшьтәге ханым, аш бүлмәсендәге пычакны эләктереп, яшь кешенең күкрәгенә чәнчи. Егет шул урында вафат була.

Төбәк Тикшерү комитеты тарафыннан «Кеше үтерү» мәддәсе буенча җинаять эше кузгатылган.

Шикләнелүче тоткарланган, аның белән тикшерү эшләре алып барыла.

Фото: bashinform