Исерек килеш руль артына утырсаң...

12 сентябрьдә Арча–Мари иле чиге юлының 12 километрында  юл-транспорт һәлакәте булган. Машина йөртүче төрле авырлыктагы тән җәрәхәтләре алган. Ул алкогольле эчемлек кулланган хәлдә руль артына утырган булган.

Исерек килеш транспорт белән идарә иткән шоферларны барлау йөзеннән, 14 сентябрьдә “Тоннель” операциясе үткәрелгән. Аның барышында бер кешегә беркетмә төзелгән. Мондый профилактик операцияләр киләчәктә дә оештырылачак.