Каенсар клубында түгәрәк өстәл артында очрашу

"Идел буе Болгарстанда ислам динен кабул ителүгә 1100 ел тулу уңаеннан Каенсар авыл клубында "Дин үгет- нәсыйхәт" дип исемләнгән түгәрәк өстәл артында очрашу булып узды. Кичәбез авылыбызның ак әбисе, абыстаебыз Нурания апа Сафинаның вәгазье һәм Коръән укуы белән башланып китте. Каенсар авыл клубы мөдире Ата бабаларыбызның ислам динен кабул итү тарихы белән таныштырды. Яңасала авыл китапханәсе мөдире кунакларны китап күргәзмәсе белән таныштырды һәм "Изге Болгар җире" дигән күргәзмә тәкъдим итте. Очрашуга килүчеләр үзләренә әби бабаларыннан мирас булып калган истәлек ядкарләренең тарихлары белән таныштырдылар. Кичәбездә мөнәҗәтләр әйтелде, риваятьләр тыңлап үттек.
 Шушындый тәрбияви әһәмияткә ия булган чараларыбызда алга табада дәвамлы булыр дигән теләктә калабыз.
 Искәртеп үтәбез, ислам дине кабул итүгә 1100 ел тулуга багышланган бәйрәм чаралар Казанда һәм Болгарда 19-21 май көннәрендә узачак".

Бу хакта алар Вк битендә язып чыккан.