Казанда ир-ат янгында һәлак булган

Казанда ир кеше күпкатлы йортта чыккан янгында һәлак булган.

«Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләүләренчә, бүген 7.36 сәгатьтә 101нче янгын сагы чакыру номерына Ямашев проспектындагы 69нчы йортның дүртенче катында фатир януы турында хәбәр алынган.

Чакыру буенча килгән янгын сүндерүчеләр төтен баскан фатирдан аңсыз яткан ир-атны алып чыгып, ашыгыч ярдәм табибларына тапшырган. Табиблар тырышлыгына карамастан, зыян күрүчене коткарып кала алмыйлар һәм ул вафат була.

8.05 сәгатьтә янгын сүндерелгән. Янгын мәйданы 2 квадрат метр тәшкил иткән. Фаҗиганең сәбәпләре билгеләнә.  

https://tatar-inform.tatar/news/incident/21-02-2021/kazanda-ir-at-yangynda-lak-bulgan-5808225