Арск-Информ
  • Рус Тат
  • Казанда коронавирус белән авырган дүрт кеше хастаханәдән чыгарылган

    «Табиблар эшчәнлеге һәм кешеләрнең изоляциясе нәтиҗәсендә вирус таралуы күзәтелми», — диде Лилия Галимова.

    Коронавирус белән авырган дүрт кеше сәламәтләнеп, Республика йогышлы авырулар хастаханәсеннән чыгарылган. Бу хакта онлайн брифинг барышында Татарстан Президенты матбугат хезмәте җитәкчесе Лилия Галимова әйтте.

    «Табибларга рәхмәт. Аларның эшчәнлеге һәм кешеләрнең изоляциясе нәтиҗәсендә вирус таралуы күзәтелми. Хәтта дүрт кеше сәламәтләнде», — диде ул.

    Реклама

    Лилия Галимова ТР Президенты Рөстәм Миңнехановның 65 яшьтән олыларга азык-төлекне өйләренә китерү турында күрсәтмәсен искәртте. «Бу категорияне сакларга кирәк. Волонтерлар ризыкны өлкәннәргә илтә. Битараф булмаганнарны берләшергә өндибез. Коронавирус таралуны булдырмау буенча штаб та өлкән яшьтәгеләр белән очрашуларны чикләргә өнди», — диде.

    • Татарстанда Covid-19 белән авыруның 19 очрагы ачыкланган иде.
    • Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: