Кефир кан басымын көйли

Оберна университеты һәм Вила-Велья Университет үзәге белгечләре кефирның баш мие белән эчәклек арасындагы коммуникацияне яхшыртуын ачыклаган.
Бу кан басымы авыруының кискенләшүен кисәтә. Эксперимент барышында тикшеренүчеләр гипертоник авырудан интеккән күселәрнең үз-үзен тотышын күзәткән. Кефир эчәклекнең халәтен яхшырткан һәм нерв системасының нормаль эшләве өчен кирәкле баш мие ферментларын эшләп чыгаруның активлыгын арттырган.
Болар барысы да артериаль басымны яхшыртуга йогынты ясады, дип яза Medikforum. Галимнәр аңлатканча, тикшерү барышында алынган мәгълүматлар баш мие һәм эчәклекнең бергә эшләве турында сөйли. Кан басымы белән авырганнарга әлеге ике системаны даими күзәтү мөһим. Аларның эшен яхшыртырга, холестерин һәм кандагы шикәр дәрәҗәсен киметергә нәкъ менә кефир ярдәм итә.

https://kiziltan.rbsmi.ru/articles/zdorovie/Kefir-echegez-ul-kan-basimin-k-yli-344608/