Хастаханә янында ак чәчәкләр белән рәхмәт әйттеләр

Узган җомгада Арча үзәк хастаханәсе бинасы каршында ак бакра (петуния) чәчәкләре утыртылды. Әлеге изге гамәл Бөтенроссия халык фронты җәмәгатьчелек хәрәкәте оештырган акциягә кушылып башкарылды. 

Әлеге фронтның безнең райондагы вәкиле Руслан Әһлиев оештырган бу эшкә районыбызның мәрхәмәтле кешеләре кушылды. 

Чәчәкләрне утыртканнан соң хастаханә каршында "СПАСИБО!" дигән язу барлыкка килде. Бу гамәл табибларга һәм шәфкать туташларына рәхмәт йөзеннән эшләнде. 

Ленар Гайнуллин - ТРы буенча Бөтенроссия халык фронты координаторы.

Чәчәкләрне утырту район хакимияте, волонтерлар ярдәме белән башкарылды. Бакралар утыртылганнан соң, язуны фотога төшерер өчен “Жилкомбытсервис” ширкәте хастаханә янына махсус машина китертте.