Киңәшле эш уңышлы булыр

18 декабрьдә Арчада Татарстан Республикасы Икътисад министры урынбасары Наталья Кондратова катнашында “Арча муниципаль районының 2020 ел йомгаклары һәм 2021 елга максатлар” дигән темага “Түгәрәк өстәл” артында сөйләшү уза. Анда төрле тармакларда эшчәнлек алып баручы эшмәкәрләр, фермерлар катнаша.

Иң беренче булып район башкарма комитеты җитәкчесе Рәсүл Мөхәрәмов 2020 ел йомгаклары һәм 2021 елга алга куел торган бурычлар турында сөйләде. Аннан соң катнашучылар өстәлләргә бүленеп, сәнәгать, авыл хуҗалыгы, төзелеш, ваклап сату һәм хезмәтләр тармакларында 2021 елга куелган максатларга ирешү юлларын билгеләделәр.

Төштән соң “Түгәрәк өстәл” артында сөйләшүдә катнашучылар республиканың Икътисад министры  Мидхәт Шаһиәхмәтов һәм район башлыгы Илшат Нуриев белән очраштылар.