Арск-Информ

Арча районы

Рус Тат
Арча яңалыклары

Климатолог 2021 елның җәендәге һава торышы аномалияләре хакында кисәтте

Киләсе җәйдә аномаль корылык күзәтелергә мөмкин

 

Уралда күзәтелә торган югары атмосфера басымы салкыннар һәм болытсыз һава торышы урнашуга китерә.

(Казан, 9 гыйнвар, «Татар-информ»). Россиядә киләсе җәйдә аномаль корылык күзәтелергә мөмкин. Бу хакта «Известия» газетасы метеоролог, климатолог, Рус география җәмгыяте әгъзасы Екатерина Пестряковага сылтама белән хәбәр итә.

Белгеч билгеләп үткәнчә, җәен мондый һава торышы аномалиясенең Уралда һәм Себердә урнашкан антициклон сакланган очракта күзәтелүе ихтимал.

Соңгы ике елда Себердә тотрыклы антициклон саклана, ул шулай ук Уралга да килде. Шуның аркасында төбәкләрдә салкын һава торышы хакимлек итә һәм явым-төшем юк дәрәҗәсендә. Климатолог җәен дә шундый вазгыять урнашырга мөмкин дип фаразлый.

Реклама

«Кышын антициклон — салкын, ә җәен эссе җил алып килә. Җәй җылы булыр, явым-төшем аз күзәтелер дип уйлыйм. Җәй коры килер дигән шигем бар», — дип искәртте эксперт.

Моннан тыш, Уралда тагын бер аномалия — югары атмосфера басымы (нормадан 10 миллиметрга югарырак) күзәтелә. Шуның нәтиҗәсендә төбәктә салкыннар, шулай ук болытсыз һава торышы хакимлек итә.

Интертат

Хәзер Арча һәм Арча районы яңалыкларын безнең Telegram-каналдан да белә аласыз

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев