Көн үзәгендә – терлекчелек

Башта район башкарма комитеты җитәкчесе Расул Мөхәррәмов, район авыл хуҗалыгы һәм азык-төлек идарәсе җитәкчесе Ренат Гатиятов ветеринария хезмәтендә 50 ел эшләүче Мөхәммәт Шәрәфиевкә ТР авыл хуҗалыгы һәм азык-төлек министрының һәм район башлыгының Рәхмәт хатларын, бүләкләр тапшырдылар.

Ренат Мансурович районда язгы кыр эшләренең башланып китүен әйтте. “Кырлай”, “Курса МТСы” ширкәтләре күпьеллык үләннәр тукландыралар.

– Терлекчелек һәрвакыт мөһим тармак булып кала, – диде ул. – Кыр эшләрен сәбәп итеп терлекчелеккә игътибарны киметергә ярамый.

“Северный”, “Яңарыш” хуҗалыклары терлекчелектә зур планнар билгеләгән.

“Северный”да быел сөт комплексының беренче этабы (барысы – 5 этап) тормышка ашырылып, 1200 башлык комплекс файдалануга тапшырылачак.

Башка хуҗалыклар җитәкчеләре дә үзләренчә әзерләнеп килгән. Ренат Гатиятов, белгечләр үзләренең тәкъдимнәрен әйттеләр.