Көне генә түгел, сәгате дә кадерле

Кар тиз эреп бетсә дә, быел туфрак авырлык белән өлгерә. Инде эшләрлек булды дигәндә генә, болытлар куерып, яңгыр явып китә.3 майда да шулай булды. Иртәдән кояш чыгып шундый матур көн булыр кебек иде. Дөрес, өлгергәннәр яңгыр башланганчы хәйран гектарларны чәчәргә дә өлгерде.

Бу көнне район башлыгы Илшат Нуриев кыр эшләрендә тырышлык күрсәтүче механизаторларга Рәхмәт хатлары, акчалата бүләкләр тапшырды.

Беренче тукталыш – “Яңарыш” хуҗалыгында. Биредә һәр эшкә җаваплы карап, зур оешканлык белән тотыналар һәм башкарып чыгалар. “500 гектардан артык сабан культуралары чәчтек инде, әлегә ике агрегат эшли,” – ди хуҗалык җитәкчесе Илгизәр Садыйков. Район башлыгы бүләгенә тракторчы Равил Сафиуллин лаек булды.

Шундый ук бүләкләрне “Курса МТСы” ширкәтеннән Мансур Хуҗиәхмәтов,”Игенче” ширкәтеннән Фәнил Дәүлиев, “Кырлай” ширкәтеннән Раил Закиров алды.

Унга якын хуҗалык чәчүгә кереште инде, - ди район авыл хуҗалыгы һәм азык-төлек идарәсе җитәкчесе Ренат Гатиятов