Коронавирус: 93 яңа очрагы ачыкланган

Татарстанда соңгы тәүлектә Covid-19 коронавирус инфекциясе йоктыруның 93 яңа очрагы ачыкланган. Ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. Бу хакта ТР Сәламәтлек саклау министрлыгының матбугат хезмәте хәбәр итә.

«14 кеше хастаханәгә озатылган, 79 кеше өендә дәвалана», - диелә ведомство хәбәрендә.

Инфекция йоктыручыларның күбесе 30-50 (30 кеше), 50-60 (23 кеше) һәм 60-70 яшь (15 кеше) аралыгында ачыкланган.

Коронавирус йоктыручылар саны буенча Казан шәһәре (60 очрак) әйдәп бара. Чаллы шәһәре һәм Яшел Үзән районында сигезәр очрак ачыкланган.

7 декабрьгә булган мәгълүматлардан күренгәнчә, республикада «коронавирус инфекциясе» диагнозы 10 958 тапкыр куелган. 9 549 кеше (шуларның 70е – узган тәүлектә) терелгән.

Подробнее: https://tatar-inform.tatar/news/health/07-12-2020/tatarstanda-so-gy-t-lekt-koronavirus-infektsiyase-yoktyruny-93-ya-a-ochragy-achyklangan-5790767