Арск-Информ
  • Рус Тат
  • Коронавирустан дәваланган соңгы пациентлар чыгарыла

    Казанның 12нче хастаханәсендә коронавирустан дәваланган соңгы пациентлар чыгарыла

    Бүген Казанның 12нче хастаханәсеннән коронавирустан дәваланган соңгы пациентларны чыгарырга ниятлиләр. ТР сәламәтлек саклау министры урынбасары — Казанның Сәламәтлек саклау идарәсе башлыгы Владимир Жаворонков «Татар-информ» агентлыгында узган матбугат конференциясендә шулай дип белдерде.

    «Бүген без 12нче хастаханәдән дәвалау этабында булган соңгы пациентларны чыгарырга ниятлибез. Әгәр барысы да яхшы булса, ул бүгеннән ябылачак. Без көтелмәгән хәлләр килеп чыкса дип, тагын ике көн бирәбез», — дип искәртте спикер.

    Реклама

    Шуннан соң хастаханәне яхшылап эшкәртәчәкләр. Жаворонков билгеләп үткәнчә, киләсе атнадан 12нче клиник хастаханә бүтән Covid-госпиталь буларак эшләмәячәк.

    «Татар-информ» агентлыгы Казандагы 16нчы хастаханәнең яңа коронавирус инфекциясе йоктырган пациентлар өчен вакытлыча оештырылган госпиталь буларак эшләүдән туктавы хакында хәбәр иткән иде.

    Татар-информ: https://tatar-inform.tatar/news/health/10-09-2020/kazanny-12nche-hastahan-send-koronavirustan-d-valangan-so-gy-patsientlar-chygaryla-5770137

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: