Коронавирустан зыян күрүчеләргә түләнәчәкме?

Башлангычның авторлары - «Гадел Россия» фракциясе депутатлары. Алар Дәүләт думасына коронавирус инфекциясеннән зыян күрүчеләргә түләү турында закон проекты кертте.

Алар COVID-19 аркасында эшсез калган һәм кереме яшәү минимумыннан түбәнрәк булган русиялеләргә өстәмә финанс ярдәме күрсәтүне тәкъдим итә. Закон проекты ай саен федераль бюджет акчалары исәбенә ярдәм күрсәтүне күздә тота.

Әмма Россия Министрлар Кабинеты әлеге башлангычны хупламый, чөнки Хөкүмәт югары әзерлек режимын керткәндә гражданнарга адреслы ярдәм күрсәтү турында карар кабул итәргә хокуклы, дип хәбәр итә «Российская Газета». Шулай ук анда, яшәү минимумыннан түбәнрәк керемле гражданнар хәзер үк социаль ярдәм ала алалар, дип ассызыклыйлар.

Фото: avitsenna.uz

https://kiziltan.rbsmi.ru/articles/budni/Koronavirustan-ziyan-k-r-chel-rg-t-l-n-ch-kme-399596/