Ковид авыруына каршы антитәнчекләр буенча QR-кодны бер генә тапкыр алырга мөмкин булачак.

Ковидка каршы антитәнчекләре булган Татарстанда яшәүчеләр QR-кодны бер генә тапкыр ала алачак.  Бу хакта Татарстанда оператив штабных инстаграм аккаунтындагы туры эфир вакытында баш эпидемиолог Дмитрий Лопушов сөйләде.

Антитәнчекләр буенча сертификатлар быелның 21 февраленнән бирелә башлый. Дмитрий Лопушов билгеләп үткәнчә, антитәнчекләргә анализ бирү мәҗбүри иминиятләү программасына кертелмәгән. Тестны шәхси лабораторияләрдә генә тапшырырга була. Нәтиҗәләр автомат рәвештә Дәүләт хезмәтләре порталына җибәреләчәк. 

Порталда гариза өч көн эчендә карала, аннары алты ай дәвамында гамәлдә булган QR-код белән сертификат бирелә.

Баш эпидемиолог билгеләп үткәнчә, мондый сертификатны бер тапкыр гына алып була. 6 ай үткәч яңадан тест биреп, QR-код алып булмаячак.