Күпербашлар бу эшкә аеруча актив тотындылар.

Маскировка өчен сетка бәйләүгә килгәндә, күпербашлар бу эшкә аеруча актив тотындылар.

– Волонтер Алинә Латыйпова әнисе Гөлназ Минһаҗевага: “Әни, сетка үрәсе бар, өлгермибез”, – дигән.  Ул ярдәм итә алмыйсызмы, дип безгә  мөрәҗәгать итте. Риза булдык. Авылның ватсаб төркеменә яздык. Ринат исемле егетебез агачтан каркасын ясап бирде. Бик күп кеше җыелды. Олы апаларга кадәр килде. Материалларын да үзләре белән алганнар иде. Китапханәче, Мәдәният йорты хезмәткәрләре, балалар да кушылды. Сәгать ярым-ике сәгать эчендә бер сетканы үреп тә бетердек. Күңелсез булмасын өчен җырлый-җырлый эшләделәр. Ике сетка булды инде. Моның белән генә тукталырга уйламыйбыз, – диде Күпербаә Мәдәният йорты җитәкчесе Миләүшә Вәлиева.

Күпербаштан дүрт егет киткән. Берсе Украинада, берсе Саров шәһәрендә, икесе әлегә "Казан Экспо"да икән. "Китапханәче Алсу Иванова, Мәдәният йорты җитәкчесе Миләүшә Вәлиева һәм сәнгать җитәкчесе Сөмбел Заһидуллина исеменнән ярдәм кулы сузган барлык авылдашларга рәхмәт җиткерерсез инде",  диделәр кызлар.