Кызык һәм кызганыч

Арча авылларының берсендә яшәүче бер ир кеше Казанга барып- кайтып эшләп йөри. Яңа ел алдыннан эштән соң хезмәттәше белән шәп кенә бәйрәм итеп ала болар. Шуннан электричкага утырып, Арчага кайтып китә бу. Йокыга тала. Соңгы тукталышта уяталар моны. Шәмәрдәндә!

Шуннан бу нишләсен инде, башны төзәтеп, Шәмәрдәннән Арчага кайтып китә. Барып җиткәч уяталар моны. Казанда!

Ул аны хәзер көлеп сөйли. Ул вакыттагы хәле ничек булды икән!

Яңа ел белән!