Көзге сарымсак утырту өчен түтәлне дөрес итеп ничек әзерләргә?

Көзге сарымсак утырту турында оста бакчачылар киңәше «Челнинские известия» сайтында чыкты.

Түтәлләрне әзерләгәндә башта туфракны зарарсызландыру хәерле. Моның өчен марганцовка эремәсе яки башка биопрепаратлар сатып алып сибәргә кирәк.

Аннары туфракка туклыклы матдәләр кертү таләп ителә. Бу сарымсакка кышын исән калырга ярдәм итә. Моның өчен фосфорлы һәм калийлы ашламалар кулланыла.

Сарымсакны сентябрьнең соңгы декадасыннан алдарак утыртырга ярамый. Сарымсак утыртканда салкынча һава булырга тиеш. Юкса, сарымсак бүлбеләре вакытыннан алда тишелеп чыга башлар, диелә бу хәбәрдә.

Подробнее: https://intertat.tatar/news/questions_answers/07-09-2021/k-zge-sarymsak-utyrtu-chen-t-t-lne-d-res-itep-nichek-zerl-rg-5836428