Үлгән хатыны белән өч ай яшәгән

Тикшерү версиясе буенча, 40 яшьлек ир хатынын үзләре яшәгән коммуналь фатирларында үтергән. Зур җинаять кылганын аңлагач, ул үз-үзенә кул салырга теләгән, тик булдыра алмаган. Нишләргә дә белмичә, хатынының мәете белән өч ай яшәгән. Көннән-көн таркала барган мәетнең исе чыкмасын өчен, янына вентилятор куйган һәм тараканнарны куркыту өчен кер порошогын сипкән.

Мәрхүм хатынны туганнары югалткан.Телефонын алмагач, полициягә мөрәҗәгать иткәннәр. Аларның үтенече буенча полицейскийлар ишекне ватып кереп, мәеткә тап булганнар. Ә ире, мин үтермәдем, үзе үлде, дигән.

Экспертлар хатынының үлеменең ике тапкыр башына тупас предмет белән сугылу нәтиҗәсендә килеп чыгуын ачыклаган. Шикләнелүчене РФ Җинаять Кодексының 111 маддәсе («Аңлы рәвештә сәламәтлеккә зыян салу») буенча хөкем итәләр.

Автор : Каспранова Ләйсән

Чыганак: 59.ru

Фото: стоп-кадр видео / телеканал «Рифей-Пермь»

https://omet-rb.rbsmi.ru/articles/inayat-m-za/lg-n-hatini-bel-n-ch-ay-yash-g-n-162707/