Лилия Сәлахетдинова-Тимергалиеваны Мәскәүгә алып киткәннәр

Лилия социаль челтәрләрдә үзенең Мәскәүгә китүе, ә иң мөһиме туачак сабыеның сәламәт булуы турында язган. Лилия безгә яңарак кына Мәскәүгә килеп җитүен, әмма әлегә сөйләшә алмавын әйтте.

Лилиянең бала көтүен белгәч, табиблар консилиум җыйды. Аңа йөклелекне өзәргә дә киңәш иттеләр. Тик Лилиянең карары нык булды: ул сабыйны табачакмын, дип өздереп әйтте. “Менә сынаулар ае да узып китте. Безне консилиумнарда йөклелекне өзәргә кирәк, дип куркыттылар. Бу котылгысыз хөкем карары кебек яңгырады. Хәзер Мәскәүгә реамобильдә барганда да аңлыйм, ирем белән ансат юлны сайламадык. Тормышыбызда да шулай. Иремнең мине хатыны буларак сайлавы шуңа дәлил. Куркуга карамастан, без тормышны сайладык һәм мин аз гына да икеләнмим. Хәзерге вакытта балабыз тулысынча сәламәт – бу бәхет түгелме? Бик аз гына вакыт калды, без, иншаллаһ, сабыйның елмаюын, елавын күрербез, әти-әни булу минутларын сизәрбез. Алла теләсә! Безнең өчен догада торыгыз, сезнең ихлас догаларыгыз кирәк безгә. Без барысы да яхшы буласына ышанабыз”,- дигән ул.

http://shahrikazan.ru/news/kyiskacha-yaңalyiklar/liliya-timergalievany-reamobild-mskg-alyp-kitknnr