Арск-Информ
  • Рус Тат
  • Җәмәгать транспортында карта белән түләгән очракта йөрү бәясе үзгәрәме?

    1 марттан Казанның җәмәгать транспортында карта белән түләгән очракта транспортта йөрү бәясе үзгәрмәячәк, дип яза Казан мэриясе.

    Транспорт һәм банк карталары белән түләгәндә йөрү бәясе элеккечә калачак – 27 һәм 30 сум, ә акчалата түләгәндә – 30 сумнан 35 сумга кадәр артачак. Юл йөрү билетларының бәясе үзгәрми. Бу хакта шәһәр башкарма комитетының транспорт комитеты комитетында хәбәр иттеләр.

    Бүгенге көндә казанлыларның 56,6%ы транспорт картасы белән түли. Шул ук вакытта гражданнарның ташламалы категорияләренә караган пассажирларның 38%ы өчен юл йөрү 20 сумга, ә калганнары 18,9%ы өчен 27 сумга төшә. Тагын 18% пассажир банк картасы белән түләүне өстен күрә. 24,6% пассажир юл йөрү өчен акчалата түли. Шулай итеп, күпчелек өчен җәмәгать транспортында йөрү бәясе үзгәрмәячәк.

    Исегезгә төшерәбез, 2020 елның октябрендә яңа дифференциацияләнгән тарифны билгеләү тәкъдиме белән транспорт комитетына ташучылар мөрәҗәгать итте. Алга таба аларның тәкъдимнәре белән хат ТР Тарифлар буенча Дәүләт комитетына юлланган иде. Алдагы көндә тиешле карар кабул ителде, шуннан соң ул ТР Юстиция министрлыгында килештерү узды.

    Реклама

    Шунысын да билгеләп үтәргә кирәк, Россиядә җәмәгать транспортында йөрү бәясе акчалата һәм акчасыз ысул белән түләү арасында аерма сизелерлек арткан шәһәрләр саны арта бара. Пассажирлар мондый очракта транспорт яки банк картасы белән отышлырак тариф буенча түләүне өстен күрә. Моннан тыш, бу түләүләрнең дөреслеген арттырырга, акчалата түләү әйләнешен булдырмау, шулай итеп, ташучыларның намуссыз хезмәткәрләр эшчәнлеге аркасында югалтуларын киметергә мөмкинлек бирә. Россиянең башка шәһәрләре тәҗрибәсе күрсәткәнчә, акчалата һәм акчасыз түләү ысулы арасындагы аерма аркасында күпчелек пассажирлар акчасыз түләү ысулын сайлый.

    http://shahrikazan.ru/news/kyiskacha-ya%D2%A3alyiklar/mgat-transportynda-karta-beln-tlgn-ochrakta-yr-byase-zgrme

     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: