Миңнеханов хастаханәләрдәге урыннарны тикшереп йөри башлады

Татарстан президенты Рөстәм Миңнеханов Covid-19 тибындагы коронавирус белән авыручылар арткан очракта  хастаханәләрдә урыннарның җитәрлек булуын тикшереп йөрде.

Сәламәтлек саклау министры Марат Садыков Татарстан буенча хастаханәләрдә өстәмә 3,8 меңнән артык урын булдырылачак дип белдерде. Бу Казанга гына түгел, барлык район үзәкләренә кагыла.

Президентыбыз медицина персоналының бүгенге көндә үз сәламәтлеге турында уйламыйча, халык өчен тырышып хезмәте кую турында әйтте. Без аларга рәхмәтле булырга һәм алдагы атнада өйдә торырга тиеш дип җиткерде.

Татар-информ