Сания апага 95 яшь

Чиканас авылында яшәүче Сания апа Нуриевага 95 яшь тулды. Юбилее белән аны район башкарма комитеты җитәкчесе урынбасары Рамил Гарифҗанов котлады, Россия Президенты Владимир Путинның, район башлыгы Илшат Нуриевның Рәхмәт хатларын, чәчәк бәйләме һәм истәлек бүләге тапшырды. Яңа Кырлай авыл җирлеге башкарма комитеты җитәкчесе урынбасары Радик Шәяхмәтов та Сания апаны тәбрикләп, матур теләкләрен әйтте һәм бүләк бирде. Котлаучылар арасында халыкны социаль яклау бүлеге җитәкчесе Ләйсән Галәветдинова да бар иде.