Наратлыкта кабан атканнар

Басулар игеннәрдән бушау белән браконьерларның йокылары кача. Табигатькә иң зур зыян салучы бәндәләр бу. Шушы көннәрдә генә Наратлык авылы басуында кабан дуңгызы аталар. Аучылык күзәтчелеге, полиция хезмәткәрләре тикшерү алып бара.

– Гаеплеләргә закон буенча җавап бирергә туры киләчәк, – ди Татарстан Республикасы биологик ресурслар буенча дәүләт комитетының Арча районы буенча бүлек җитәкчесе Илһам Галимҗанов. – 5 снтябрьдә киек кошларга ау ачыла. Без бу уңайдан контрольне тагын да көчәйттек. Махсус бригадалар көндез генә түгел, төннәрен дә рейдка чыга.