Печмәнтау авылында Сабантуй узды

Бүген, 11 июнь көнне, Ташкичү җирлегенә керүче Печмәнтау авылында сабан туе узды. Мәйданда төрле ярышларда балалар көч сынашты. Күз бәйләп уенчык кисү, йөгерү, таяк тарту, йомырка куелган кашыкны кавып узышу, аркан тартышу - барысы да истәлекле бүләкләр белән бәяләнде. 

Иң кызыклы уеннарның берсе - әтәч артыннан йөгерү булды. Тәртибе дә үзенчәлекле: әтәчне очыртып җибәрәләр дә, балалар аны куып тотарга тиеш. Куып тоткан бала әтәчне алып кайтып китә. Бүген ике әтәч уйнатылды, бер кыз, бер малай әтәчле булдылар.

Уеннар җыр-бию белән үрелеп барды. Кечкенә генә авыл булса да, гөрләп узды Сабантуй.