Арча яңалыклары
Полиция Кыш бабае бүләкләр өләште
Арча эчке эшләр бүлеге хезмәткәрләре үз көчләре белән аз керемле һәм авыр тормыш хәлендә калган гаиләләрдә тәрбияләнүче балалар өчен ел да бүләкләр әзерли.
Быел да полиция хезмәткәрләре бу традицияне дәвам итте. Полиция Кыш бабае шундый гаиләләрдә булып, бүләкләрне балаларга үз кулы белән тапшырды. Моннан тыш балигъ булмаганнар белән эшләү бүлеге хезмәткәрләре Питрәч һәм Саба районындагы балалар һәм яшүсмерләр өчен приютларга да барганнар.
– Аны оештыруда безгә район башкарма комитеты җитәкчесе урынбасары Эльвира Вафина ярдәм итте. Бу приютларда Арча районыннан да авыр тормыш хәлендә калган гаиләләрдән балалар бар. Алар безне шатланып каршы алды һәм һәрберсе Полиция Кыш бабае тапшырган тәмле бүләкләргә чын күңелдән сөенде, – диде балигъ булмаганнар белән эшләү бүлеге инспекторы Энҗе Усманова.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев