Полиция хезмәткәрләре кибетләрдә һәм транспортта тикшерү үткәрделәр

Күп кенә чикләү чаралары бетерелсә дә, транспортта  һәм кибетләрдә битлек кию мәҗбүри булып калды.

Шуның үтәлешен тикшерү буенча Яңа Савиново районында полиция хезмәткәрләре рейдка чыкты.

Беренче автобуста ук алар битлексез бер кызны күрәләр һәм автобустан чыгарга кушалар. Теге кызның "Нигә?" дигән соравына аңлатма бирәләр. Штрафның да 1 мең сумнан 30 мең сумга кадәр булуын аңлаталар. Шулай да беренче тапкыр кисәтү белән калдырырга да мөмкиннәр икән. Әгәр кабат эләксә, штрафсыз котыла алмый.

Тикшерү вакытында битлекне ияккә төшереп йөрүчеләр дә очраган. Алар тизрәк аны күтәреп куярга ашыкканнар. Анысын тикшерүчеләр күрмәмешкә салышкан. "Без аңлыйбыз, кемгәдер битлек белән суларга авыр булырга да мөмкин", - дип аңлата полиция хезмәткәре. –Авызы гына капланган булса, битлекне күтәреп куярга кушабыз”.

Транспорттан тыш полиция хезмәткәрләре кибетләрне дә тикшерәләр, әмма битлексез йөргән бер генә кешене дә күрмиләр.

Тулырак  https://sntat.ru/news/incident/02-10-2020/soblyudaem-maskirovku-politseyskie-proverili-nosyat-li-kazantsy-maski-v-transporte-i-magazinah-5776000 укый аласыз.