Пөшәңгәрдә әфганчылар дусларының каберләренә чәчәк салды

Әфган егетләре... Аларны тикмәгә генә шулай атамыйлар. Чөнки алар туган илгә кайткач та әфган егетләре булып калдылар. Алар ут-суны кичеп, язмышларына төшкән авырлыкларны, сынауларны бергә җиңеп чыккан егетләр. Бу егетләр ел да бер-берсе белән элемтәне өзмиләр 6нчы июнь көнне төрле төбәкләрдән җыелып Мамадыш районы Баскан авылында очраштылар, күңел яраларын кузгаттылар иптәшләрен тагын бер искә алдылар.

Һәр ел саен "ХӘТЕР КӨНЕ" булып күңелләргә уелып кергән - 1 июль көннендә Пөшәңгәр авылында, гомеренең иң матур вакытында һәлак булган авылдашларыбыз Әһлиуллин Васыйл Габдулла улын, Лотфуллин Рифат Гыймулла улын һәм шулай ук кайнар ноктада хезмәт иткән Якупов Раушан Фәлван улларын искә алып догалар укылды, каберләренә чәчәк салдылар.
Җир йөзендә сугышлар башка кабатланмасын. Яшь егетләрнең гомере вакытсыз өзелмәсен, ата-аналар кайгы яше түкмәсен иде.

Розалия Әскәрова