“Пушкин картасы” белән Арчада кайда барырга?

 “Пушкин картасы” проекты Россиядә 1 сентябрьдән старт алды. Әлеге карта белән илнең төрле төбәкләрендәге исемлеккә кертелгән теләсә кайсы музейга, кинога, экскурсиягә барырга мөмкин.

Картаны 14–22 яшьлек мәктәп укучылары һәм студентлар рәсмиләштерә ала. Аның өчен “ГосуслугиКультура” мобиль кушыматсын урнаштырырга, анда теркәлергә һәм виртуаль карта чыгарырга кирәк.

Арчада “Пушкин картасы” проектына Район Мәдәният йорты һәм “Казан арты” тарих-этнография музее кушылды.

“Пушкин картасы” проекты буенча районда узачак чаралар исемлеге белән https://disk.yandex.ru/d/Gjhjx3izfjM7Gw сылтамасы аша кереп танышырга мөмкин.

Бу хакта үз Инстаграм битендә район мәдәният идарәсе җитәкчесе Илфар Әюпов хәбәр итә.