Арск-Информ
  • Рус Тат
  • Путин йөкле хатын-кызларга һәм балалы гаиләләргә ярдәм итү турындагы законны имзалады

    1 сентябрьдән 8 яшькә кадәрге балаларны карау буенча больничный, ата-аналарның стажына карамастан, уртача хезмәт хакының 100 проценты күләмендә түләнәчәк.

    Россия Ппрезиденты Владимир Путин Федераль Җыенга юлламасында балалы гаиләләргә һәм йөкле хатын-кызларга ярдәм итү чаралары турындагы закон эшләргә кушкан иде. Бүген ул шул законны имзалады. Бу турыдагы документ хокукый мәгълүмат порталында чыкты.

    Документ нигезендә, 1 июльдән 8 яшьтән 17 яшькә кадәрге балалар тәрбияләнә торган тулы булмаган гаиләләр төбәктә балалар өчен яшәү минимумының яртысы күләмендә айлык түләү алачак (Россия буенча уртача 5,6 мең сум). Бу турыда РИА Новости хәбәр итә.

    Шулай ук 12 атнага кадәр йөклелек буенча медицина оешмаларына исәпкә баскан хатын-кызлар ай саен яшәү минимумының 50 проценты күләмендә пособие ала башлаячак.

    Реклама

    1 сентябрьдән 8 яшькә кадәрге балаларны карау буенча больничный, ата-аналарның стажына карамастан, уртача хезмәт хакының 100 проценты күләмендә түләнәчәк.

    Федерация Советының Социаль сәясәт комитеты рәисе Инна Святенко аңлатканча, бу түләүләрне һәм пособиеләрне вакытында һәм тулы күләмдә алу өчен гражданнарга дәүләт хезмәтләре порталында гариза бирергә кирәк.

     https://tatar-inform.tatar/news/society/26-05-2021/putin-y-kle-hatyn-kyzlarga-m-balaly-gail-l-rg-yard-m-it-turyndagy-zakonny-imzalady-5824673

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: