Рамил Шәмсетдиновның эше буенча суд башлана

автор, 12 февраль 2020 - 08:23

1679

Былтыр Чита өлкәсендә бөтен Русияне шаулаткан канлы вакыйга булды: армия хезмәтенә алынган Төмән егете Рәмил Шәмсетдинов 8 кешене атып үтерде.

Рамил Шәмсетдиновның эше буенча суд башлана

Ул бу адымга түземлеге беткәннән барганлыгын әйтте. Имеш, аны өч тәүлектән артык йоклатмаганнар, башы белән унитазга тыкканнар... Каравылдан кайтышлый ул коралын тапшырмый ут ача һәм ике офицерны, алты хезмәттәшен атып үтерә.

Рәмил Шәмсетдиновның үзен дә каза күрүче итеп таныдылар. Хәрби частьтә уставтан тыш мөнәсәбәтләрдә гаепләнүче Руслан Мухатов гаебен тулысынча таныган, шуңа эшне аерым очрак итеп карауны сорап гариза язган.

Җинаять эше аерым очракта каралган хәлдә судка шаһитларны, каза күрүчеләрне чакырмаячаклар, тиешеннән йомшаграк җәза биреләчәк. Рәмил Шәмсетдинов бу гамәл белән риза булмавын белдереп, эшне гомум тәртиптә карауларын сорап гариза язган.

Бу турыда аның адвокаты Руслан Нагиев хәбәр иткән.Шәмсетдинов әлеге вакытта Мәскәүдә экспертизада.