Арчада район Советының чираттагы утырышы узды

Аны район башлыгы , район Советы рәисе Илшат Нуриев алып барды. Утырышта барысы унбер мәсьәлә каралды. Беренче көн тәртибе буенча район башлыгы урынбасары Алсу Мөхәммәтова чыгыш ясады.

Ул депутатларны агымдагы елның җиде аенда районда дин һәм милләтара мөнәсәбәтләрнең торышы һәм Арча муниципаль районында җәмәгать куркынычсызлыгын тәэмин итү буенча алда торган бурычлар белән таныштырды.

" Бу өлкәдә хәл тотрыклы,әмма уяулыкны югалтмаска кирәк",- дип искәртте Алсу Фирдәүсовна.

Депутатлар шулай ук район Советының элек кабул ителгән карарларына үзгәрешләр һәм өстәмәләр керттеләр. Алар белән районның рәсми сайтында таныша аласыз.