Арск-Информ
  • Рус Тат
  • Районда комбайннарны тикшерү узды

    Тикшерү нәтиҗәләре буенча вазыйфаи затларга 3 күрсәтмә бирелде

    19 августта “Комбайн” операциясе кысаларында Дәүләт техник күзәтү идарәсенең Арча һәм Әтнә районнары инспекторлары Г.Касыймов һәм Р.Сабиров рейд уздырды. Рейд вакытында “Яңарыш”, “Игенче”, “Курса МТСы” хуҗалыкларында комбайннар тикшерелде. Янгын сүндерү чаралары, медицина аптечкасы булуына, тавыш сигналларының, тышкы ут приборларының төзеклегенә аеруча басым ясалды. Шулай ук теркәлү, техник күзәтү узу турындагы документларны, механизаторларның таныклыкларын тикшерделәр. Барлыгы 18 комбайн тикшерелде.

    Тикшерү нәтиҗәләре буенча вазыйфаи затларга төзәтү вакыты белән 3 күрсәтмә бирелде.

    Бу турыда Дәүләт техник күзәтү идарәсенең Арча районы баш дәүләт инженер-инспекторы Габделхак Касыймов хәбәр итте.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: