Арча яңалыклары
Районнан тугыз егет армиягә китә
Арча районнан - 9, Әтнә районнан 2 егет армия сафларына китә
Бүген хәрби комиссариатта армиягә китәсе егетләр җыелды. 11 булачак солдат һәм аларның әти-әниләре район прокуроры Фәнис Шәйхаттаров, хәрби комиссар Алмаз Борһанов һәм Ильяс хәзрәтнең хәер-фатыйхасын алдылар.
"Сезнең һәрберегез безнең өчен кадерле. Һәркайсыгызның хәлен белеп, кире әйләнеп кайтканчы борчылып торабыз. Районыбыз егетләре турында мактау сүзләре генә килеп тора. Сездән дә яхшы хәбәрләр көтәбез," - диде Алмаз Борһанов.
Гадәткә кергәнчә, егетләрне дога укып, хәерле, имин юллар теләделәр. Ильяс хәзрәт Коръән сурәләрен укып, ихлас теләкләрен җиткерде.
Район прокуроры Фәнис Шәйхаттаров үз теләге белән илебезне сакларга баручы егетләр белән горурлануын җиткерде.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев