Редиска файдалы гына түгел, зыянлы да икән

Май аенда күпләрнең бакчасында редиска өлгерә. Табиблар бу яшелчәне сезонында күбрәк ашап калырга киңәш итә, чөнки редиска иммунитетны ныгытыр­га ярдәм итә. Анда С витамины бик күп. Редисканы буыннар сызлаганда, ревматизм вакытында да кулланалар. Куллар, битләр шешеп торганда да ярдәм итә. Бу яшелчә, В группасы витаминнарына бай булу сәбәпле, нервларны тынычландыра дип тә санала.
Зыяны

Редисканы ач карынга ашарга киңәш ителми. Ул ашказаны авыруларын көчәйтергә мөмкин. Шулай ук гастрит, язва (ашказаны җәрәхәте), панкреатит авырулары вакытында да бу яшелчәдән тыелып торырга кирәк.
 http://shahrikazan.ru/news/kish-tabyish/rediska-faydaly-m-zyyanly-da