Республиканың иң яхшы тренерлары арасында арчалар да бар

21 декабрьдә Спорт министрлыгының Актлар залында ТР спорт министрының беренче урынбасары Х.Х. Шәйхетдинов, бүлеге башлыгы Р. Р. Вафин һәм  директор М. Т.Рәхмәтуллина "Спорт мәктәбенең иң яхшы тренеры-2021" республика конкурсы җиңүчеләрен һәм призерларын бүләкләделәр. "Арча" спорт мәктәбенең волейбол буенча тренеры Тәлгать Әхмәтов  - "Спортның команда уен төрләрендә осталык һәм камиллек "номинациясендә 3 урын, көрәш буенча тренер Илшат Фазылҗанов  - "Яшь тренер "номинациясендә 3 урын алды.

ТР спорт министрының беренче урынбасары Х. Х.Шәйхетдинов тренерларга көндәлек хезмәтләре һәм яшь спортчыларга керткән өлешләре өчен рәхмәт белдерде.Тренерларыбызны яхшы нәтиҗәләр белән котлыйбыз, уңышлар һәм тагын да югарырак үрләр яулауларын телибез.