Арск-Информ
  • Рус Тат
  • Рәфикъ Юныс җәсәде туган туфракка иңдерелде

    Бүген танылган шагыйрь, публицист юРәфикъ Юныс туган авылы Кәче зиратына җирләнде. Күренекле якташыбызны соңгы юлга озатуда район газетасының баш мөхәррире катнашты.

    - Үзенең васияте шулай иде, дип әйтә алмыйм. Ул бу турыда сөйләшергә яратмый иде. Туганнары, хезмәттәшләре белән киңәшләшкәч шундый фикергә килдек. Монда аның әти-әнисе, бабалары . Шулай дөресрәк булыр дип санадык, - диде безгә мәрхүмнең тормыш иптәше Дания ханым.

    Күренекле якташыбызны соңгы юлга озатырга Татарстан язучылар берлеге рәисе Данил Салихов җитәкчелегендә әдипләр,журналистлар, район җитәкчеләре,авылдашлары килгән иде. Чыгыш ясаучылар аның турында истәлекләре белән уртаклашты.

    Реклама

    - Хәзер инде соң. Бүген әйтелгән бу җылы сүзләрнең яртысын гына булса да үзе исән чагында әйткән булсак, бәлки Рәфикъ абыйның гомерен бераз гына озайта алган булыр идек ,- диде язучы Камил Кәримов.

    Күренекле публицист,шагыйрь,"Казан утлары" журналының баш мөхәрир урынбасары , республиканың Гаяз Исхакый премиясе лауреаты , Татарстанның атказанган мәдәният хезмәткәре Рәфикъ Юныс улы Юнысов кичә Казанда вафат булды. Аңа 1 мартта 78 яшь тулган булыр иде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: