Арск-Информ
  • Рус Тат
  • Бәйрәм белән котладылар

    Укучыларыңның хөрмәтен, игелеген күрүгә ни җитә?!

    Октябрь – бәйрәмнәргә бай ай. 1 нче октябрь - Өлкәннәр көне булса, 5 нче октябрь - Укытучыларның һөнәри бәйрәм көне. Өлкәннәр көне, үзенә күрә көз бәйрәме кебек, кешенең гомер көзе- үстергән балаларының, укыткан, тәрбияләгән укучыларының игелеген күрү, хезмәтенең җимешләрен татуга тиң. Без дә үзебезнең лаеклы ялда булган өлкән буын укытучыларыбызны һәм техник хезмәткәрләрне бәйрәм белән котладык. Аларга хөрмәтебез, ихтирамыбыз чиксез!

    Укытучы хезмәте авыр да, җаваплы да, шул ук вакытта кызыклы да. Ул үзенең хезмәтенең нәтиҗәсен еллар үткәч кенә күрә, бәяли ала. Игелекле укучылар - менә ул укытучы хезмәтенең иң югары күрсәткече. Мәктәпне тәмамлаган укучыларыбыз безгә карата һәрвакыт игътибарлы. Мәктәпкә килеп йөриләр, мәктәп тормышы белән кызыксынып торалар. Бу- безнең өчен зур шатлык. Шушы бәйрәм көннәрендә безгә дә, мәктәпне тәмамлап, тормышта югары уңышка ирешкән укучыларыбызның игътибарын һәм ихтирамын тоярга насыйп булды. Бертуган Искәндәр һәм Эльбрус Бариевлар, Алмаз Мөхәммәтҗанов, Азат Закировлар ветераннарыбызны бәйрәм белән котлуга өлешләрен керттеләр, мәктәпкә проектор бүләк иттеләр. Зур рәхмәт,егетләр! Сау-сәламәт булыгыз, тагын да зур уңышларга ирешергә насыйп булсын үзегезгә!

    Реклама

    Кәче төп гомуми белем мәктәбе коллективы исеменнән татар теле укытучысы Фәнүзә Закирова.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: