Роспотребнадзор чит илләрдән кайткан россиялеләр өчен кагыйдәләрне катгыйландырды

Роспотребнадзор Төркиядән һәм Танзаниядән Россиягә 1 майга кадәр кайткан россиялеләрне Covid-19 тестын ике тапкыр тапшырырга мәҗбүр итә.

«2021 елның 1 маена кадәр Төркия Республикасыннан һәм Берләшкән Танзания Республикасыннан Россия Федерациясе территориясенә кайтучыларга Россия Федерациясе территориясенә кергәннән соң ... биш көн эчендә ПЦР методы белән Covid-19 лаборатор тикшеренүе узарга кирәк», - диелә документта.

Нәтиҗә алганнан соң, «Россия Федерациясе территориясенә килүчеләр өчен яңа коронавирус йогышына тест нәтиҗәләре турында мәгълүмат бирү»  формасын тутырып, аларны дәүләт хезмәтләренең бердәм порталына кабат йөкләргә кирәк булачак.

 https://tatar-inform.tatar/news/health/20-04-2021/rospotrebnadzor-chit-ill-rd-n-kaytkan-rossiyalel-r-chen-kagyyd-l-rne-katgyylandyrdy-5820551